Kryeziu: Do ta ul pagën time

Kandidati i LDK-së për kryetar të Dragashit, Selim Kryeziu, tha se një prej vendimeve të tij të parë do të jetë rishikimi i pagës së tij.

“Sipas Auditorit të Përgjithshëm kryetari i Komunës merr 119 euro në bazë mujore mbi maksimumin e lejuar sipas një udhëzimi administrativ. Pra vendimi i parë është që do ta rishikoj pagën time personale dhe të jetë në përputhje me ligjin. Nëse është pagë e jashtëligjshme ajo, patjetër që do ulë pagën”, tha kandidati i LDK-së.

Kandidati i PDK-së nuk ka ardhur në emisionin Debat Pernime.

Kryeziu nga LDK në rrethin e parë mori 35.52 për qind të votave, ndërsa kandidati i PDK-së, Shaban Shabani mori 34.22 për qind.

Votimet për balotazhin do të zhvillohen të dielën, më 19 nëntor.